’A RICONOSCENZA
Pure si le tagli ’o pietto
e le cagn’ tutto ’o core,
nun te n’ aspetta’ rispetto,
spera sulo ca nun more.
Si ’o ventricolo ’mpazzisce
e se ne và in fibrillazione,
che ne sanno? Chi ’o capisce
si t’ha fai dint’ ’o cazone?
Si ’o malato s’è shockato
e già stava pronta ’a Morte,
quann’ ’a fine s’è salvato:
tutt’ ’o merito è d’ ’a sorte.
Si se spegne ’o lumicino
pecchè ’a vita è nata corta,
nun è colpa d’ ’o destino
che teneva areto ’a porta;
“chella ’a colpa è d’ ’o duttore,
che sicuro s’è sbagliato,
se ci stava ’o Professore,
certo, mò, s’era salvato”.
Tutto chello ca tu fai
’n’ è servuto proprio a niente,
“nun ha’ fatto mai assaje”
chesto penza sempe ’a gente.
Che vuo’ fa’? Chisto è ’o mestiere!
Ce l’avimmo già ’mparato,
nun guastammece ’e pensier’,
faticammo….. p’ ’o Malato.
Gambizzato, 2001